Déi rezent positiv geteste Coronafäll an der Grondschoul hu mat sech bruecht, datt ganz Schoulklassen a partieller Quarantän sinn. Déi Quarantänform werft awer eng Rei Froen op, grad och fir Kanner an Enseignanten, déi net positiv getest sinn a keng Symptomer hunn.

An enger dréngender parlamentarescher Fro un den Educatiounsminister an d’Gesondheetsministesch geet den Deputéierte Fernand Kartheiser an op de rechtleche Kader vun där Quarantänform, d‘Organisatioun an der Famill, d’séilescht Wuelbefanne vum Kand an d’Unhale vun esou enger partieller Quarantän.