Fir e Gesetz brauch d’Regierung e positive Vote vun der Chamber, fir e Reglement net. Mat enger klenger Verfassungsännerung ass de 6. Juli an der Chamber d’Reglementéieren e Stéck manner komplizéiert ginn. D’ADR huet dat matgestëmmt. Mä de Roy Reding huet senge Kollegen gesot, datt et un den Deputéierte wär, opzepassen, datt d’Regierung sech iwwer dee Wee net zevill Fräiheeten hëlt.